ನ.1ರಿಂದ ಐದು ದಿನ ಸಂಕಲ್ಪ ಉತ್ಸವ: ಆಮಂತ್ರಣ ಬಿಡುಗಡೆ
ನ.1ರಿಂದ ನ.5ರ ವರೆಗೆ ಯಲ್ಲಾಪುರ ಪಟ್ಟಣದ ತಾಲೂಕಾ ಪಂಚಾಯತಿ ಆವರಣದ ಗಾಂಧಿ ಕುಟೀರದಲ್ಲಿ 40ನೇ ವರ್ಷದ ಸಂಕಲ್ಪ ಉತ್ಸವವು ವೈವಿಧ್ಯಮಯ ಕಾರ್ಯಕ್ರಮಗಳೊಂದಿಗೆ ನಡೆಯಲಿದೆ ಎಂದು ಸಂಕಲ್ಪ ಸಂಸ್ಥೆಯ ಸಂಚಾಲಕ ಪ್ರಸಾದ ಹೆಗಡೆ ಹೇಳಿದರು.
ಅವರು ಗುರುವಾರ ಯಲ್ಲಾಪುರದಲ್ಲಿ ಸಂಕಲ್ಪ ಉತ್ಸವದ ಪದಾಧಿಕಾರಿಗಳೊಂದಿಗೆ ಉತ್ಸವದ ಆಮಂತ್ರಣ ಪತ್ರಿಕೆಯನ್ನು ಬಿಡುಗಡೆಗೊಳಿಸಿ ಮಾತನಾಡಿ, ಈವರ್ಷ ಮಾಜಿ ಮುಖ್ಯಮಂತ್ರಿ ದಿ.ರಾಮಕೃಷ್ಣ ಹೆಗಡೆಯವರ ಜನ್ಮ ಶತಮಾನೋತ್ಸವದ ನಿಮಿತ್ತ ಐದು ದಿನ ನಡೆಯುವ ಈ ಉತ್ಸವದಲ್ಲಿ ಪ್ರತಿದಿನ ಅವರ ಸಂಸ್ಮರಣೆ ನಡೆಯಲಿದೆ. ಉತ್ಸವದಲ್ಲಿ ವಿವಿಧ ಮಠಾಧೀಶರು, ವಿವಿಧ ಕ್ಷೇತ್ರಗಳ ಗಣ್ಯರು ಭಾಗವಹಿಸಲಿದ್ದಾರೆ,
ಭಗವದ್ಗೀತಾ ಪಠಣ, ಸಂಕಲ್ಪ ಪ್ರಶಸ್ತಿ ಪ್ರದಾನ, ತಾಳಮದ್ದಳೆ, ಸಿತಾರ್ ವಾದನ, ಶಾಸ್ತ್ರೀಯ ಸಂಗೀತ, ಭರತನಾಟ್ಯ, ಭಜನೆ, ಕೀರ್ತನೆ, ಯಕ್ಷನೃತ್ಯ, ಗಾನವೈಭವ, ಖ್ಯಾತ ಕಲಾವಿದರಿಂದ ಯಕ್ಷಗಾನ ಪ್ರದರ್ಶನ ನಡೆಯಲಿದೆ ಎಂದರು. ಈವರ್ಷ ವಿಶೇಷವಾಗಿ ಸ್ವದೇಶಿ ಗೋ ಸಂಕಲ್ಪ ಉತ್ಸವದಲ್ಲಿ ಗೋವಿನ ಪಾಲನೆ, ಗೋ ಚಿಕಿತ್ಸೆ, ಗೋ ವೈಭವ, ಗೋ ಜೈವಿಕ ಕೃಷಿ, ಗೋ ಸಂಪನ್ಮೂಲಗಳ ನಿರ್ವಹಣೆ, ಗವ್ಯೋತ್ಪನ್ನ ಮಾರಾಟ, ಸದ್ಬಳಕೆ ಕುರಿತು ಉಪನ್ಯಾಸ, ಗವ್ಯೋತ್ಪನ್ನ ವಸ್ತು ತಯಾರಿಕಾ ಪ್ರಶಿಕ್ಷಣ ನಡೆಯಲಿದೆ ಎಂದರು.
ನ. 1 ರಂದು ಉತ್ಸವದ ಉದ್ಘಾಟನೆಯನ್ನು ಸ್ವರ್ಣವಲ್ಲೀ ಮಠದ ಶ್ರೀಮದ್ ಗಂಗಾಧರೇಂದ್ರ ಸರಸ್ವತೀ ಸ್ವಾಮೀಜಿಯವರು ನೆರವೇರಿಸಲಿದ್ದಾರೆ. ನ.2ರಂದು ನೆಲೆಮಾವು ಮಠದ ಶ್ರೀಮದ್ ಮಾಧವಾನಂದ ಭಾರತೀ ಸ್ವಾಮೀಜಿ ಹಾಗೂ ಶ್ರೀಕ್ಷೇತ್ರ ಬಂಗಾರಮಕ್ಕಿಯ ಮಾರುತಿ ಗುರೂಜಿ ಭಾಗವಹಿಸಲಿದ್ದಾರೆ, ನ.3ರಂದು ಬಾರಕೂರು ಮಹಾಸಂಸ್ಥಾನದ ವಿದ್ಯಾವಾಚಸ್ಪತಿ ಡಾ.ವಿಶ್ವಸಂತೋಷ ಭಾರತೀ ಶ್ರೀಪಾದರು ಉಪಸ್ಥಿತರಿರುವರು. ನ.4ರಂದು ಎಡನೀರು ಮಠದ ಶ್ರೀಮದ್ ಸಚ್ಚಿದಾನಂದ ಭಾರತೀ ಸ್ವಾಮೀಜಿ ಭಾಗವಹಿಸುವರು, ನ.5ರಂದು ಉತ್ಸವದ ಸಮಾರೋಪ ಸಮಾರಂಭ ನಡೆಯಲಿದೆ. ರಾಮಚಂದ್ರಾಪುರ ಮಠದ ಶ್ರೀಮದ್ ರಾಘವೇಶ್ವರ ಭಾರತೀ ಸ್ವಾಮೀಜಿ ಉಪಸ್ಥಿತರಿರುವರು.
ಯಕ್ಷಗಾನ ಪ್ರದರ್ಶನ
ನ.1ರಂದು ಭಕ್ತಪ್ರಹ್ಲಾದ, ನ.2ರಂದು ಕಂಸ ದಿಗ್ವಿಜಯ, ಕಂಸವಧೆ, ನ.3ರಂದು ವೀರ ಬರ್ಭರೀಕ, ಚಕ್ರಚಂಡಿಕೆ, ನ.4ರಂದು ನಾಗನಂದನೆ, ನ.5 ರಂದು ಗಾನವೈಭವ, ಭಾರ್ಗವ ವಿಜಯ ಪೌರಾಣಿಕ ನಾಟಕ ಪ್ರದರ್ಶನ ನಡೆಯಲಿದೆ.
ಈ ಎಲ್ಲ ಕಾರ್ಯಕ್ರಮಗಳಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಬೇಕು ಎಂದು ಸಂಕಲ್ಪ ಸೇವಾ ಸಂಸ್ಥೆಯ ಅಧ್ಯಕ್ಷ ಪ್ರಮೋದ ಹೆಗಡೆ ವಿನಂತಿಸಿದ್ದಾರೆ.
ಸಂಘಟಕರಾದ ಸಿ.ಜಿ.ಹೆಗಡೆ, ಪ್ರಶಾಂತ ಹೆಗಡೆ, ಶ್ರೀಪಾದ ಭಟ್ಟ, ಬಾಬು ಬಾಂದೇಕರ, ಗೋಪಣ್ಣ ತಾರಿಮಕ್ಕಿ, ನರಸಿಂಹ ತಾಳಗುಪ್ಪ, ಪ್ರದೀಪ ಯಲ್ಲಾಪುರಕರ್, ರವಿ ದೇವಡಿಗ, ಶಿವು ಅಗೇರ ಇದ್ದರು.
=================
- ನ.1ರಿಂದ ಐದು ದಿನ ಸಂಕಲ್ಪ ಉತ್ಸವ: ಆಮಂತ್ರಣ ಬಿಡುಗಡೆ
- ಸಾರ್ವಜನಿಕರ ದೂರುಗಳ ವಿಚಾರಣೆ ನಡೆಸಿ ಪರಿಹಾರ ಒದಗಿಸಿದ ಉಪ ಲೋಕಾಯುಕ್ತ ನ್ಯಾಯಮೂರ್ತಿ ಕೆ.ಎನ್. ಫಣೀಂದ್ರ
- ಪೊಲೀಸರ ಕ್ಷಿಪ್ರ ಕಾರ್ಯಾಚರಣೆ: ದೇವರ ಆಭರಣ ಕದ್ದ ಆರೋಪಿಯ ಬಂಧನ
- ಶಾಸಕ ಹೆಬ್ಬಾರ್ ರಾಜೀನಾಮೆಗೆ ಹರಿಪ್ರಕಾಶ ಕೋಣೆಮನೆ ಆಗ್ರಹ
- ಎರಡು ಬೈಕುಗಳ ಮುಖಾಮುಖಿ ಡಿಕ್ಕಿ: ಇಬ್ಬರಿಗೆ ಗಾಯ
- ಉಡಗಳನ್ನು ಬೇಟೆಯಾಡಿದ್ದ ಇಬ್ಬರ ಬಂಧನ
- ಮನೆಗೆ ಅಕ್ರಮವಾಗಿ ಪ್ರವೇಶಿಸಿ ಹಲ್ಲೆ: ಇಬ್ಬರ ವಿರುದ್ಧ ಪ್ರಕರಣ ದಾಖಲು
- ನೋಂದಾಯಿತ ಸ್ಥಳದಲ್ಲಿ ಕಾರ್ಯನಿರ್ವಹಿಸದ ಸಹಕಾರ ಸಂಘಗಳು: ನೋಂದಣಿ ರದ್ದತಿ ಎಚ್ಚರಿಕೆ
- ತಾಲೂಕಾ ಮಟ್ಟದ ಕ್ರೀಡಾಕೂಟದಲ್ಲಿ ವೈ.ಟಿ.ಎಸ್.ಎಸ್ ಆಂಗ್ಲಮಾಧ್ಯಮ ಶಾಲೆಯ ಸಾಧನೆ
- ಲಯನ್ಸ್ ಕ್ಲಬ್ ವತಿಯಿಂದ ವಿಜೃಂಭಣೆಯಿಂದ ನಡೆದ ಗುರುವಂದನಾ ಕಾರ್ಯಕ್ರಮ
- ಹುಲಗೋಡ ಏತನೀರಾವರಿ ಯೋಜನೆಯಿಂದ ನೂರಾರು ಹೆಕ್ಟೇರ್ ಕೃಷಿ ಪ್ರದೇಶಕ್ಕೆ ನೀರುಣಿಸಲು ಅನುಕೂಲ: ಶಾಸಕ ಹೆಬ್ಬಾರ್
- ಕಾಂಗ್ರೆಸ್ ಪಕ್ಷವು ವ್ಯವಸ್ಥೆಯ ಮೇಲೆ ಅಪನಂಬಿಕೆ ಸೃಷ್ಟಿಸುವ ಕೆಲಸ ಮಾಡುತ್ತಿದೆ: ಸಂಸದ ಕಾಗೇರಿ
- ಜನರ ಸಮಸ್ಯೆಗೆ ಸ್ಪಂದಿಸಲು ಅನಂತ ಜನ ಸ್ಪಂದನ ಕೇಂದ್ರ ಆರಂಭ
- ಯಲ್ಲಾಪುರ ಟಿ.ಎಂ.ಎಸ್.ವಾರ್ಷಿಕ ಮಹಾಸಭೆ, ಹಿರಿಯ ಸದಸ್ಯರಿಗೆ ಸನ್ಮಾನ
- ಉಮ್ಮಚಗಿಯಲ್ಲಿ ಹೊಡೆದಾಟ, ಹಲ್ಲೆ : ದೂರು, ಪ್ರತಿದೂರು ದಾಖಲು
