ನ.11ರಂದು ಪಾರ್ಥಸಾರಥಿ ಯಕ್ಷಕಲಾ ಬಳಗದ ಉದ್ಘಾಟನೆ, ತಾಳಮದ್ದಳೆ, ಪ್ರಶಸ್ತಿ ಪ್ರದಾನ ಸಮಾರಂಭ
ಯಲ್ಲಾಪುರ ತಾಲೂಕಿನ ಮಲವಳ್ಳಿಯ ಶ್ರೀರಾಮಲೀಲಾ ರಂಗಮಂದಿರದಲ್ಲಿ ನ.11 ಬುಧವಾರ ಮಧ್ಯಾಹ್ನ 4.30 ಗಂಟೆಗೆ ಪಾರ್ಥಸಾರಥಿ ಯಕ್ಷಕಲಾ ಬಳಗ ಬಾರೆ-ಮಲವಳ್ಳಿ ಇದರ ಉದ್ಘಾಟನೆ ಹಾಗೂ ಖ್ಯಾತ ಕಲಾವಿದರಿಂದ ತಾಳಮದ್ದಳೆ, ವಿವಿಧ ಕ್ಷೇತ್ರದ ಸಾಧಕರಿಗೆ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಲಿದೆ.
ವಿದ್ಯಾವಾಚಸ್ಪತಿ ಉಮಾಕಾಂತ ಭಟ್ಟ ಕೆರೆಕೈ ಉದ್ಘಾಟಿಸಲಿದ್ದಾರೆ. ಉತ್ತರಕನ್ನಡ ಜಿಲ್ಲಾ ರಂಗಭೂಮಿ ಕಲಾವಿದರ ವೇದಿಕೆಯ ಅಧ್ಯಕ್ಷ ಡಾ.ಜಯರಾಮ ಎಂ. ಭಟ್ ಅಧ್ಯಕ್ಷತೆ ವಹಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಯಲ್ಲಾಪುರ ಟಿ.ಎಂ.ಎಸ್.ಅಧ್ಯಕ್ಷ ಎನ್.ಕೆ.ಭಟ್ಟ ಅಗ್ಗಾಶಿಕುಂಬ್ರಿ, ಪ್ರಮುಖರಾದ ಸುಬ್ಬಣ್ಣ ಬೋಳ್ಮನೆ, ಸುಬ್ಬಣ್ಣ ಕುಂಟೆಕಳಿ, ರವಿ ಹುಳ್ಸೆ, ಸದಾನಂದ ಭಟ್ಟ, ಸೂರ್ಯನಾರಾಯಣ ಭಟ್ಟ, ಪ್ರಕಾಶ ಭಟ್ಟ ಕೊಟ್ಟಿಗೆಮನೆ ಮುಂತಾದವರು ಭಾಗವಹಿಸಲಿದ್ದಾರೆ. ಪಾರ್ಥಸಾರಥಿ ಯಕ್ಷಕಲಾ ಬಳಗದ ಅಧ್ಯಕ್ಷ ಶ್ರೀಧರ ಭಟ್ಟ ಗಂಗೋತ್ರಿ ಉಪಸ್ಥಿತರಿರಲಿದ್ದಾರೆ.
ಸಮಾರಂಭದಲ್ಲಿ ಹಿರಿಯ ಮದ್ದಳೆ ವಾದಕ ಗಣಪತಿ ಭಾಗ್ವತ್ ಕವಾಳೆಯವರಿಗೆ ಯಕ್ಷರತ್ನ ಪ್ರಶಸ್ತಿ ಹಾಗೂ ಲೆಕ್ಕಪರಿಶೋಧಕ ಚಂದ್ರಶೇಖರ ಗಾಂವ್ಕಾರ್ ನೆಲೆಪಾಲ ಇವರಿಗೆ ಸಾಧಕಶ್ರೀ ಪ್ರಶಸ್ತಿ ಪ್ರದಾನ ಮಾಡಲಾಗುವುದು.
ಖ್ಯಾತ ಕಲಾವಿದರಿಂದ ತಾಳಮದ್ದಳೆ
ಖ್ಯಾತ ಕಲಾವಿದರಿಂದ ಕರ್ಣಾರ್ಜುನ ಕಾಳಗ ತಾಳಮದ್ದಳೆ ನಡೆಯಲಿದೆ. ಹಿಮ್ಮೇಳದಲ್ಲಿ ಭಾಗವತರಾಗಿ ಅನಂತ ಹೆಗಡೆ ದಂತಳಿಗೆ, ದಿನೇಶ ಭಾಗ್ವತ್ ಅಬ್ಬಿತೋಟ, ಮದ್ದಳೆ ವಾದಕರಾಗಿ ಶಂಕರ ಭಾಗ್ವತ್ ಯಲ್ಲಾಪುರ, ಗಣಪತಿ ಭಾಗ್ವತ್ ಕವಾಳೆ, ಚಂಡೆ ವಾದನದಲ್ಲಿ ಪ್ರಮೋದ ಹೆಗಡೆ ಕಬ್ಬಿನಗದ್ದೆ ಪಾಲ್ಗೊಳ್ಳುವರು.
ಅರ್ಥಧಾರಿಗಳಾಗಿ ವಿದ್ವಾನ್ ವಿದ್ಯಾವಾಚಸ್ಪತಿ ಉಮಾಕಾಂತ ಭಟ್ಟ ಕೆರೆಕೈ, ಪ್ರೋ.ಪವನ್ ಕಿರಣಕೆರೆ, ವಿ.ನಾರಾಯಣ ದೇಸಾಯಿ, ವಿ.ವಿನಾಯಕ ಭಟ್ಟ ಶೇಡಿಮನೆ, ವಿ.ಗಣೇಶ ಭಟ್ಟ ಸುಂಕಸಾಳ, ಶ್ರೀಧರ ಭಟ್ಟ ಗಂಗೋತ್ರಿ, ಮಂಜುನಾಥ ಭಟ್ಟ ಬಾರೆ, ಸುಬ್ರಾಯ ಹೆಬ್ಬಾರ್ ಗೂಡೆಪಾಲ, ದೇವೇಂದ್ರ ಕುಣಬಿ ಸ್ವಾಮಿಕೇರಿ ಭಾಗವಹಿಸಲಿದ್ದಾರೆ. ಈ ಕಾರ್ಯಕ್ರಮಕ್ಕೆ ಕಲಾಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಬೇಕು ಎಂದು ಪಾರ್ಥಸಾರಥಿ ಯಕ್ಷಕಲಾ ಬಳಗದ ಅಧ್ಯಕ್ಷ ಶ್ರೀಧರ ಭಟ್ಟ ಗಂಗೋತ್ರಿ ತಿಳಿಸಿದ್ದಾರೆ.
=================
- ಮನೆ ದರೋಡೆ ಪ್ರಕರಣ ಬೇಧಿಸಿದ ಪೊಲೀಸರಿಗೆ ಗ್ರಾಮಸ್ಥರಿಂದ ಸನ್ಮಾನ
- ಯಲ್ಲಾಪುರ ಪೊಲೀಸರ ಕ್ಷಿಪ್ರ ಕಾರ್ಯಾಚರಣೆ: ಮನೆ ದರೋಡೆ ನಡೆಸಿದ್ದ ನಾಲ್ವರ ಬಂಧನ
- ನ.11ರಂದು ಪಾರ್ಥಸಾರಥಿ ಯಕ್ಷಕಲಾ ಬಳಗದ ಉದ್ಘಾಟನೆ, ತಾಳಮದ್ದಳೆ, ಪ್ರಶಸ್ತಿ ಪ್ರದಾನ ಸಮಾರಂಭ
- ರೈತರಿಗೆ ಸಿಹಿಸುದ್ದಿ: ಬೆಳೆ ವಿಮೆ ಪರಿಹಾರ ರೈತರ ಖಾತೆಗೆ ಜಮೆ ಪ್ರಾರಂಭ
- ರಾಜ್ಯದಲ್ಲಿ ಪ್ರಜಾ ಸೇವಾ ಆಂದೋಲನ ಸಭೆ ಮೂಲಕ 99,142 ಅರ್ಜಿಗಳ ವಿಲೇವಾರಿ: ಸಚಿವ ಲಕ್ಷ್ಮಣ ಸವದಿ
- ಪ್ರಜಾ ಸೇವಾ ಆಂದೋಲನ ಸಭೆಯಲ್ಲಿ 220 ಕ್ಕೂ ಅಧಿಕ ಅರ್ಜಿಗಳ ವಿಚಾರಣೆ
- ಸ್ವಾರ್ಥರಹಿತ ಚಿಂತನೆಯು ಮನಸ್ಸಿಗೆ ಶಾಂತಿ, ನೆಮ್ಮದಿಯನ್ನು ನೀಡುತ್ತದೆ
- ಹೆಚ್ಚಿನ ಲಾಭದ ಆಮಿಷವೊಡ್ಡಿ ಭಟ್ಟರ ಖಾತೆಯಿಂದ 46 ಲಕ್ಷ ರೂ ಲಪಟಾಯಿಸಿದ ಅಪರಿಚಿತರು
- ಸಂಕಲ್ಪ ಉತ್ಸವದಲ್ಲಿ ಪ್ರೇಕ್ಷರ ಮನಸೂರೆಗೊಂಡ ಭಾರತೀ ನೃತ್ಯ ಕಲಾಕೇಂದ್ರದ ವಿದ್ಯಾರ್ಥಿಗಳ ಭರತನಾಟ್ಯ
- ಮನೆಯವರಿಗೆ ಚಾಕು ತೋರಿಸಿ ಹೆದರಿಸಿ ಹಣ, ಆಭರಣ ದರೋಡೆ
- ಭಾರದ್ವಾಜಾಶ್ರಮದಲ್ಲಿ ಧಾರ್ಮಿಕ ಕಾರ್ಯಕ್ರಮ ಆರಂಭ
- ಸಾಂಸ್ಕೃತಿಕ ಸ್ಪರ್ಧೆಗಳಲ್ಲಿ ಚೇತನಾ ವಿಜ್ಞಾನ ಪದವಿಪೂರ್ವ ಮಹಾವಿದ್ಯಾಲಯದ ವಿದ್ಯಾರ್ಥಿಗಳ ಉತ್ತಮ ಸಾಧನೆ
- ಜೀವನದಲ್ಲಿ ಸಾಮಾಜಿಕ ಜವಾಬ್ದಾರಿ ಮತ್ತು ಸೇವಾ ಮನೋಭಾವ ಬೆಳೆಸಿಕೊಳ್ಳಬೇಕು: ಡಾ. ಆರ್.ಡಿ.ಜನಾರ್ಧನ್
- ಉದ್ಯೋಗ ವಾರ್ತೆ
- ಭಟ್ರಕೇರಿಯ ಭಾರದ್ವಾಜಾಶ್ರಮದಲ್ಲಿ ವಿವಿಧ ಧಾರ್ಮಿಕ ಕಾರ್ಯಕ್ರಮ ಆಯೋಜನೆ
