ಮನೆಯವರಿಗೆ ಚಾಕು ತೋರಿಸಿ ಹೆದರಿಸಿ ಹಣ, ಆಭರಣ ದರೋಡೆ
ಮನೆಯವರಿಗೆ ಚಾಕು ತೋರಿಸಿ, ಬೆದರಿಸಿ, ಮನೆಯ ಬಾಗಿಲು ಮುರಿದು ಒಳನುಗ್ಗಿದ ಕಳ್ಳರು ಮನೆಯೊಳಗಿನ ಕಪಾಟಿನಲ್ಲಿದ್ದ ಹಣ, ಲಕ್ಷಾಂತರ ರೂ ಮೌಲ್ಯದ ಬಂಗಾರದ ಆಭರಣ ಹಾಗೂ ವಿವಿಧ ವಸ್ತುಗಳನ್ನು ದರೋಡೆ ಮಾಡಿಕೊಂಡುಹೋಗಿರುವ ಘಟನೆ ಯಲ್ಲಾಪುರ ತಾಲೂಕಿನ ಮೂಲೆಗುಂಡ್ಕಲ್ ನಲ್ಲಿ ನಡೆದಿದೆ.
ಹುಟಕಮನೆ ಗ್ರಾಮದ ಮೂಲೆಗುಂಡ್ಕಲ್ ನ ರಾಮಚಂದ್ರ ಮಹಾಬಲೇಶ್ವರ ಭಟ್ಟ (63 ವರ್ಷ) ಈ ಕುರಿತು ಯಲ್ಲಾಪುರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿದ್ದಾರೆ. ದಾಖಲಾದ ದೂರಿನ ಪ್ರಕಾರ, ಗುರುವಾರ ರಾತ್ರಿ 8.30 ಗಂಟೆಗೆ ಯಾರೋ ಕಳ್ಳರು ರಾಮಚಂದ್ರ ಭಟ್ಟ ಅವರಿಗೆ ಹಾಗೂ ಅವರ ಮನೆಯವರಿಗೆ ಚಾಕು ತೋರಿಸಿ, ಬೆದರಿಸಿ, ಅವರ ಮನೆಯ ಮುಂದಿನ ಬಾಗಿಲನ್ನು ಮುರಿದು ಮನೆಯೊಳಗೆ ನುಗ್ಗಿದ್ದಾರೆ.
ಮನೆಯ ಮಾಳಗಿಯ ಮೇಲಿದ್ದ ಮೂರು ರೂಮುಗಳಲ್ಲಿನ ವಸ್ತುಗಳನ್ನು ಚಲ್ಲಾಪಿಲ್ಲಿ ಮಾಡಿ, ಒಂದನೇ ರೂಮಿನಲ್ಲಿದ್ದ ಕಪಾಟನ್ನು ತೆರೆದು ಅದರಲ್ಲಿದ್ದ ಬಟ್ಟೆಗಳನ್ನು ಚಲ್ಲಾಪಿಲ್ಲಿಯಾಗಿ ಮಾಡಿ, ಕಪಾಟಿನಲ್ಲಿದ್ದ 85 ಸಾವಿರ ರೂ ಮೌಲ್ಯದ 20 ಗ್ರಾಂ ತೂಕದ ಬಂಗಾರದ ಕರಿಮಣಿ ಸರ, 85 ಸಾವಿರ ರೂ ಮೌಲ್ಯದ ತಲಾ 10 ಗ್ರಾಂ ತೂಕದ ಎರಡು ಬಂಗಾರದ ಬಳೆಗಳು, 60 ಸಾವಿರ ರೂ ಮೌಲ್ಯದ 12 ಗ್ರಾಂ ತೂಕದ ಒಂದು ಜೊತೆ ಕಿವಿಯೋಲೆ,
20 ಸಾವಿರ ರೂ ಮೌಲ್ಯದ 3 ಗ್ರಾಂ ತೂಕದ ಬಂಗಾರದ ಉಂಗುರ, 6 ಸಾವಿರ ರೂ ಮೌಲ್ಯದ 1 ಗ್ರಾಂ ಬಂಗಾರದ ಲಾಕೆಟ್, 6 ಸಾವಿರ ರೂ ಮೌಲ್ಯದ, 30 ಗ್ರಾಂ ತೂಕದ ಎರಡು ಬೆಳ್ಳಿಯ ಬಟ್ಟಲು, 8 ಸಾವಿರ ರೂ ಮೌಲ್ಯದ ಎರಡು ಕೈಗಡಿಯಾರ, 11 ಸಾವಿರ ರೂ ಮೌಲ್ಯದ ಸ್ಯಾಮಸಂಗ್ ಮೊಬೈಲ್, 9 ಸಾವಿರ ರೂ ಮೌಲ್ಯದ ವಿವೋ ಮೊಬೈಲ್, ಹತ್ತು ಸಾವಿರ ನೋಟು, ನಾಣ್ಯ ಸೇರಿ ಒಟ್ಟೂ 12 ಸಾವಿರ ರೂ ಹಣ ಹಾಗೂ ಮನೆಯಲ್ಲಿದ್ದ ಅಂದಾಜು 60 ಸಾವಿರ ರೂ ಮೌಲ್ಯದ ಟಿವಿಎಸ್ ಅಪಾಚೆ ಬೈಕ್ ಅನ್ನು ದರೋಡೆ ಮಾಡಿಕೊಂಡು ಹೋಗಿದ್ದಾರೆ.
ದರೋಡೆಕೋರರ ದಾಳಿಗೆ ರಾಮಚಂದ್ರ ಭಟ್ಟ ಅವರಿಗೆ ಸಣ್ಣಪುಟ್ಟ ಗಾಯವಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದಾರೆ. ದರೋಡೆಯಾದ ವಸ್ತುಗಳ ಒಟ್ಟೂ ಮೌಲ್ಯ 3,62,000 ರೂ ಎಂದು ಅಂದಾಜಿಸಲಾಗಿದೆ. ಪೊಲೀಸರು ತೀವ್ರ ತನಿಖೆ ನಡೆಸುತ್ತಿದ್ದು, ಅಪರಾಧಿಗಳ ಪತ್ತೆಗೆ ಕ್ರಮ ಕೈಗೊಂಡಿದ್ದಾರೆ.
=================
- ಮನೆಯವರಿಗೆ ಚಾಕು ತೋರಿಸಿ ಹೆದರಿಸಿ ಹಣ, ಆಭರಣ ದರೋಡೆ
- ಭಾರದ್ವಾಜಾಶ್ರಮದಲ್ಲಿ ಧಾರ್ಮಿಕ ಕಾರ್ಯಕ್ರಮ ಆರಂಭ
- ಸಾಂಸ್ಕೃತಿಕ ಸ್ಪರ್ಧೆಗಳಲ್ಲಿ ಚೇತನಾ ವಿಜ್ಞಾನ ಪದವಿಪೂರ್ವ ಮಹಾವಿದ್ಯಾಲಯದ ವಿದ್ಯಾರ್ಥಿಗಳ ಉತ್ತಮ ಸಾಧನೆ
- ಜೀವನದಲ್ಲಿ ಸಾಮಾಜಿಕ ಜವಾಬ್ದಾರಿ ಮತ್ತು ಸೇವಾ ಮನೋಭಾವ ಬೆಳೆಸಿಕೊಳ್ಳಬೇಕು: ಡಾ. ಆರ್.ಡಿ.ಜನಾರ್ಧನ್
- ಉದ್ಯೋಗ ವಾರ್ತೆ
- ಭಟ್ರಕೇರಿಯ ಭಾರದ್ವಾಜಾಶ್ರಮದಲ್ಲಿ ವಿವಿಧ ಧಾರ್ಮಿಕ ಕಾರ್ಯಕ್ರಮ ಆಯೋಜನೆ
- ಸುರೇಶ ಬೋರ್ಕರ್ ಅವರಿಗೆ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ಪ್ರದಾನ
- ಹೆದ್ದಾರಿ ತಡೆ ಪ್ರತಿಭಟನೆಯ ಸಮಗ್ರ ವರದಿ
- ಯೋಜನೆ ಹಿಮ್ಮೆಟ್ಟಿಸಲು ಒಗ್ಗಟ್ಟಾದ ಜನರು, ಜನಪ್ರತಿನಿಧಿಗಳು ಒಂದಾಗುವರೇ?
- ಹೆದ್ದಾರಿ ತಡೆ ಪ್ರತಿಭಟನೆ ಮುಕ್ತಾಯ: ಜನಪ್ರತಿನಿಧಿಗಳು ಏನಂದ್ರು?
- ನನ್ನ ಉದ್ಯಮಕ್ಕೂ ನದಿ ತಿರುವು ಯೋಜನೆಗೂ ಯಾವ ಸಂಬಂಧವೂ ಇಲ್ಲ : ಶಾಸಕ ಶಿವರಾಮ ಹೆಬ್ಬಾರ್
- ನದಿ ತಿರುವು ಯೋಜನೆ ಮೂರ್ಖತನದ ನಿರ್ಣಯ
- ನದಿ ತಿರುವು ಯೋಜನೆ ವಿರೋಧಿಸಿ ಪ್ರತಿಭಟನೆ ಆರಂಭ
- ಹೆದ್ದಾರಿ ತಡೆ ಪ್ರತಿಭಟನೆಗೆ ಸಂಪೂರ್ಣ ಸಿದ್ಧತೆ
- ರಸ್ತೆ ತಡೆ ಪ್ರತಿಭಟನೆಗೆ ರೈತ ಸಂಘದ ಬೆಂಬಲ
