ಓಪನ್ ರ‍್ಯಾಪಿಡ್ ಚೆಸ್ ಪಂದ್ಯಾವಳಿಗೆ ಚಾಲನೆ
ಕರ್ನಾಟಕ ರಾಜ್ಯ ಅನುಮತಿ ಪಡೆದ ವಿದ್ಯುತ್ ಗುತ್ತಿಗೆದಾರರ ಸಂಘದ ತಾಲೂಕಾ ಘಟಕದ ವತಿಯಿಂದ ಯಲ್ಲಾಪುರ ಪಟ್ಟಣದ ರೈತಭವನದಲ್ಲಿ ರವಿವಾರ ಓಪನ್ ರ‍್ಯಾಪಿಡ್ ಚೆಸ್ ಪಂದ್ಯಾವಳಿ ನಡೆಯಿತು.
ಸಾಮಾಜಿಕ ಕಾರ್ಯಕರ್ತ ಜಿ.ಆರ್.ಹೆಗಡೆ ಕುಂಬ್ರಿಗುಡ್ಡೆ ಪಂದ್ಯಾವಳಿಯನ್ನು ಉದ್ಘಾಟಿಸಿ ಶುಭಕೋರಿದರು. ಸಂಘಟನೆಯ ತಾಲೂಕಾ ಅಧ್ಯಕ್ಷ ವೇಣುಗೋಪಾಲ ಮದ್ಗುಣಿ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಎಲ್ಲರ ಸಹಕಾರದಿಂದ ನಾಲ್ಕನೇ ವರ್ಷದ ಚೆಸ್ ಪಂದ್ಯಾವಳಿ ನಡೆಯುತ್ತಿದೆ. ಇದೇ ಸಂದರ್ಭದಲ್ಲಿ ವಿವಿಧ ಕ್ಷೇತ್ರಗಳ ಸಾಧಕರನ್ನು ಸನ್ಮಾನಿಸಲು ಬಹಳ ಸಂತೋಷವೆನಿಸುತ್ತದೆ ಎಂದರು.
ಸಾಧಕರಿಗೆ ಸನ್ಮಾನ
ವಿವಿಧ ಕ್ಷೇತ್ರಗಳ ಸಾಧಕರಾದ ಉದ್ಯಮಿ ವಿಶ್ವನಾಥ ಭಟ್ಟ ಎಂ.ಕೆ.ಬಿ, ಪ್ರವಾಸೋದ್ಯಮಿ ಯು.ಕೆ.ನೇಚರ್ ಸ್ಟೆ ನಿರಂಜನ ಭಟ್ಟ, ಡಾ.ದಿಪಕ್ ಭಟ್ಟ, ರವಿ ಶಾನಭಾಗ, ಕೆ.ಎನ್.ಹೆಗಡೆ, ರವೀಂದ್ರ ಬದ್ದಿ, ಸುಧೀರ ಬಲ್ಸೆ, ಅಬ್ದುಲ್ ಖಾದರ್ ಶೇಖ್, ಸುಬ್ರಾಯ ಬಿದ್ರಮನೆ, ಸತೀಶ ಹೆಬ್ಬಾರ್, ನಾಗೇಂದ್ರ ಯಲ್ಲಾಪುರ ಮುಂತಾದವರನ್ನು ಸನ್ಮಾನಿಸಲಾಯಿತು.
ಸನ್ಮಾನಿತರ ಪರವಾಗಿ ಪ್ರವಾಸೋದ್ಯಮಿ, ಯು.ಕೆ.ನೇಚರ್ ಸ್ಟೇ ಮಾಲೀಕ ನಿರಂಜನ ಭಟ್ಟ ಮಾತನಾಡಿ, ನಮ್ಮ ರಾಜ್ಯದಲ್ಲಿ ಪ್ರವಾಸೋದ್ಯಮಕ್ಕೆ ಇನ್ನಷ್ಟು ಉತ್ತೇಜನ ನೀಡಬೇಕಿದೆ, ನಮ್ಮ ಜಿಲ್ಲೆಯಲ್ಲಿ ಎಲ್ಲ ಪ್ರವಾಸೋದ್ಯಮ ತಾಣಗಳಲ್ಲಿ ಅಗತ್ಯ ಮೂಲಭೂತ ಸೌಕರ್ಯಗಳನ್ನು ಒದಗಿಸಲು ಸರ್ಕಾರ ಮುಂದಾಗಬೇಕು, ಪ್ರವಾಸೋದ್ಯಮ ಬೆಳೆದರೆ ಅಭಿವೃದ್ಧಿಗೆ ಜಿಲ್ಲೆಯ ಇನ್ನಷ್ಟು ವೇಗ ದೊರಕಿದಂತಾಗುತ್ತದೆ ಎಂದರು. ನಮ್ಮನ್ನು ಗುರುತಿಸಿ ಸನ್ಮಾನಿಸಿರುವುದು ನಮ್ಮ ಜವಾಬ್ದಾರಿಯನ್ನು ಮತ್ತಷ್ಟು ಹೆಚ್ಚಿಸಿದಂತಾಗಿದೆ ಎಂದು ಅನಿಸಿಕೆ ಹಂಚಿಕೊಂಡರು.
ಕಾರ್ಯಕ್ರಮದಲ್ಲಿ ಯುವಜನ ಸೇವಾಕ್ರೀಡಾಧಿಕಾರಿ ಚಂದ್ರಹಾಸ ನಾಯ್ಕ, ಪ್ರಮುಖರಾದ ಶೇಖರ ಎರಿಗೇರಿ, ಸಿ.ಎಸ್.ಹೆಗಡೆ, ಸಂಜೀವಕುಮಾರ ಹೊಸ್ಕೇರಿ ಇದ್ದರು.
====================
- ರಸ್ತೆ ಕಾಮಗಾರಿಗಾಗಿ ದಾಸ್ತಾನು ಮಾಡಿದ್ದ ಕಡಿ, ಎಂ.ಸ್ಯಾಂಡ್ ಕಳ್ಳತನ
- ಬೆಳಿಗ್ಗೆ ಶಾಸಕರ ವಿರುದ್ಧ ಮಾತನಾಡಿ, ರಾತ್ರಿ ಕಾಲಿಗೆ ಬೀಳುವವರು ಯಾರು?
- ಓಪನ್ ರ‍್ಯಾಪಿಡ್ ಚೆಸ್ ಪಂದ್ಯಾವಳಿಗೆ ಚಾಲನೆ
- ಬೈಕ್ ಅಪಘಾತ: ಸಹಸವಾರನಿಗೆ ಗಂಭೀರ ಗಾಯ
- ಖಾರಿಫ್ ಬರ ಪರಿಸ್ಥಿತಿ ಅಧ್ಯಯನ: ರಾಜ್ಯಕ್ಕೆ ಕೇಂದ್ರದ ಅಧಿಕಾರಿಗಳ ತಂಡ ಭೇಟಿ
- ಆಯುಷ್ಮಾನ್ ಆರೋಗ್ಯ ಕೇಂದ್ರವನ್ನು ಸ್ಥಗಿತಗೊಳಿಸದಿರಲು ಸೋಮೇಶ್ವರ ನಾಯ್ಕ ಆಗ್ರಹ
- ನ.1ರಿಂದ ಐದು ದಿನ ಸಂಕಲ್ಪ ಉತ್ಸವ: ಆಮಂತ್ರಣ ಬಿಡುಗಡೆ
- ಸಾರ್ವಜನಿಕರ ದೂರುಗಳ ವಿಚಾರಣೆ ನಡೆಸಿ ಪರಿಹಾರ ಒದಗಿಸಿದ ಉಪ ಲೋಕಾಯುಕ್ತ ನ್ಯಾಯಮೂರ್ತಿ ಕೆ.ಎನ್. ಫಣೀಂದ್ರ
- ಪೊಲೀಸರ ಕ್ಷಿಪ್ರ ಕಾರ್ಯಾಚರಣೆ: ದೇವರ ಆಭರಣ ಕದ್ದ ಆರೋಪಿಯ ಬಂಧನ
- ಶಾಸಕ ಹೆಬ್ಬಾರ್ ರಾಜೀನಾಮೆಗೆ ಹರಿಪ್ರಕಾಶ ಕೋಣೆಮನೆ ಆಗ್ರಹ
- ಎರಡು ಬೈಕುಗಳ ಮುಖಾಮುಖಿ ಡಿಕ್ಕಿ: ಇಬ್ಬರಿಗೆ ಗಾಯ
- ಉಡಗಳನ್ನು ಬೇಟೆಯಾಡಿದ್ದ ಇಬ್ಬರ ಬಂಧನ
- ಮನೆಗೆ ಅಕ್ರಮವಾಗಿ ಪ್ರವೇಶಿಸಿ ಹಲ್ಲೆ: ಇಬ್ಬರ ವಿರುದ್ಧ ಪ್ರಕರಣ ದಾಖಲು
- ನೋಂದಾಯಿತ ಸ್ಥಳದಲ್ಲಿ ಕಾರ್ಯನಿರ್ವಹಿಸದ ಸಹಕಾರ ಸಂಘಗಳು: ನೋಂದಣಿ ರದ್ದತಿ ಎಚ್ಚರಿಕೆ
- ತಾಲೂಕಾ ಮಟ್ಟದ ಕ್ರೀಡಾಕೂಟದಲ್ಲಿ ವೈ.ಟಿ.ಎಸ್.ಎಸ್ ಆಂಗ್ಲಮಾಧ್ಯಮ ಶಾಲೆಯ ಸಾಧನೆ
